Лениногорск табиблары спортта да уңышлар яулый

Республиканың 6 районыннан табиблар һәм фельдшерлар үзара көч сынашты. Лениногорск табиблары белән беррәттән Чистай, Азнакай, Баулы, Зәй, Алабуга табиблары спортның төрле төрләре буенча ярышты.

Һәр команда 6 төр ярышны үтте: җиңел атлетика, өстәл теннисы, бадминтон, волейбол, йөзү, шахмат, канат тарту.

Лениногорск үзәк район хастаханәсе матбугат хезмәте хәбәр иткәнчә, Лениногорск табиблары старт башлануга яхшы нәтиҗәләр күрсәткәннәр, өстәл теннисында һәм канат тартуда беразга гына калышканнар.

Спартакиада нәтиҗәсе буенча Лениногорск табиблары командасы икенче урынны – көмеш медальне ала, ә беренчене – Азнакай табиблары, өченчене – Алабуга районы.

фотолар: https://vk.com/crb_leninogorsk?w=wall-196122368_1023