Лениногорск урамында СВО Геройлары хөрмәтенә куелган билборд пәйда булды

Лениногорскиның Тукай урамында, төгәлрәге Шашин урамы белән кисешкән җирдә, светофорга кадәр якташ хәрбиләребез – хәрби операциядә һәлак булган солдатлар хөрмәтенә билборд (металл баганада зур баннер) куелган.

Анда 16 якташ хәрбиебезнең фотолары урнаштырылган, аларның исем-фамилияләре язылган. Дөрес, монда барысы да түгел.

Баннерның өске ягына “Вечная слава Героям СВО РФ”, ә икенче юлга “Помним и гордимся каждым лениногорцем” дип язып куелган.

Һәлак булган якташ хәрбиләрнең калганнарын да шулай баннерларда куярлар дип көтеп калабыз. Үз Геройларыбызны онытмыйк.

Розалия Мостафина фотолары