Лениногорск яшьләре «Вода России» Бөтенроссия акциясенә кушылды
Лениногорскида сулыклар ярларын чүп-чардан чистарту буенча «Вода России» Бөтенроссия акциясенә кушылдылар, ул «Экология» илкүләм проект кысаларында уза.
18 һәм 19 май көннәрендә акциядә катнашучылар – политехник колледж студентлары, яшьләр үзәге вәкилләре һәм Лениногорск студентлар лигасы волонтерлары, «Мәхәббәт» паркындагы түбән күллекнең һәм Камышлы елгасының яр буйларын чүп-чардан чистарттылар.
«Бу ике көн эчендә акциядә катнашучылар ун капчыктан артык чүп-чар җыйдылар. Шунысы куанычлы, яшьләр барлык экологик акцияләрдә теләп катнаша. Шул рәвешле без табигатьне яратырга һәм сакларга кирәк булуын күрсәтәбез", - ди шәһәр Башкарма комитеты җитәкчесе урынбасары Сергей Семенов.
Акция июль ахырына кадәр дәвам итәчәк.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев