Лениногорскида биш катлы йортта яшәүчеләргә шөпшәләр һөҗүм иткән

Бу йортка шөпшәләр оялаган һәм кешеләрне чага башлаганнар. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Кичә 15.40 сәгатьтә 112 бердәм номерына Гагарин урамында 19 нчы йортта фатир тәрәзәсе астында шөпшәләр оялавы турында хәбәр килгән. Бөҗәкләр бу йортта яшәүчеләрне тешләгән», – диелгән министрлык хәбәрендә.

Чакыру буенча 7 нче зональ эзләү-коткару отряды килеп, шөпшә оясын тапкан һәм юк иткән.

Бу хакта тулырак: https://tatar-inform.tatar/news/2019/08/24/192157/

Фото:https://pixabay.com