Лениногорскида «Ядкяр» шәҗәрәләр порталы проектын тәкъдим итү булды

Татарстан Республикасының Архив эше буенча Дәүләт комитеты Татарстанда һәркемгә дә үз нәсел шәҗәрәсен, ата-бабалары турындагы мәгълүматны алу мөмкинлеге булган «Ядкяр» генеалогия порталын эшләтеп җибәргән.

Лениногорскида  Яшьләр үзәгендә мәгариф идарәсе, музейлар, китапханәләр һәм хосусый генеалоглар хезмәткәрләре катнашында «Ядкяр» шәҗәрәләр порталы проектын тәкъдим итү  булды. «Ядкяр» генеалогия порталы» проекты буенча мәгълүмат җыю 2019 елда башланган.

Архив эше буенча ТР Дәүләт комитеты рәисе Габдрахманова Гөлнара Зәкәрия кызы проект турында сөйләде. Аның максаты – республика халкын архив документларын тәрҗемә итү һәм индексацияләү нигезендә төзелгән дөрес һәм тулы шәҗәрәләр белән тәэмин итү.  

"Без барлык тәрҗемә ителгән язмаларны платформага йөклибез һәм ясалма интеллект безгә шәҗәрә агачын дөрес төзергә ярдәм итә", - диде Гөлнара Зәкәриевна.  

Хәзерге вакытта портал Татарстанның 15 районы буенча тулыландырыла. 100 торак пункт буенча 10 000нән артык шәҗәрә төзелгән инде.  

Лениногорск районы Башкарма комитеты җитәкчесе Марат Гирфанов:  "Без эшне нульдән башлыйбыз. Безнең район күпмилләтле, тарихыбыз бай. Район тарихын торгызырга, тирән тамырларыңны белергә кирәк. Эшне 2027 елга — «Ядкяр» шәҗәрәләр порталын эшләтеп җибәрү вакытына төгәлләргә ниятлибез. Дәүләт архивы белән бергә безнең барысы да килеп чыгачак,"- диде.

Сакланган документларны «Ядкяр» генеалогик үзәге» тарихи-шәҗәрә тикшеренүләренең коммерцияле автономияле булмаган оешмасы рәисе Айсылу Галиевага җибәрергә була.  
Телефон: 8-904-719-36-64