Лениногорскида юлдан читтә мототранспорт чараларын йөртүчеләр имтихан тапшырды

Лениногорск Гостехнадзор  бүлеге  инженер-инспекторы Ильнур Галимов һәм Бөгелмә муниципаль районы буенча Татарстан Республикасы Дәүләт техника күзәтчелеге дәүләт инженер-инспекторы Сергей Попов юлдан читтә мототранспорт чараларын йөртүчеләрдән имтихан кабул иттеләр.

Имтиханның теоретик өлеше учреждениенең уку кабинетында узды, анда курсантлар имтихан билетларын компьютерларда электрон кушымтада чиштеләр. Шуннан соң имтиханның практик өлеше узды, кар-сазлыкта йөри торган машина йөртеп карадылар.

Гариза биргән 15 курсантның барысы да имтиханны уңышлы тапшырды.

Материалларны Дәүләт техника күзәтчелеге бүлегенә тапшырганнан соң, алар АІ категорияле тракторчы-машинист таныклыгы алачаклар.

фотолар: И.Галимовтан