Лениногорскида "Туры элемтә" узды (фотолар)

Муниципаль районның Иҗтимагый советы мэриядә торак-коммуналь хуҗалыгы эшенә кагылышлы "туры элемтә" уздырды.

Сәгать кичке биштән алып алтыгача теләге булган һәркем гозер -үтенечләре белән шалтырата алды.

Бу көнне "туры элемтә" гә утызга якын кеше шалтыратып борчыган соравы белән "бүлешергә" тырышты. Торак-коммуналь хуҗалыга рәхмәт әйтергә теләүчеләр дә шактый иде.

Ә инде халыкның иң борчыган сораулары булып бренче урында ОДН проблемасы тора.

Шулай ук шәһәрдәшләребезне баганаларда утлар янмавы, йорт каршыларында юкә агачының фатирларындагы яктылыкны каплавы, кайбер йортларда эскәмияләр, тротуарлар булмавы кебек сораулар белән дә мөрәҗәгать итүчеләр булды.

Зилә Мөдәррисова