Лениногорскида узган фәнни-гамәли конференциядә 131 эш тәкъдим ителде

Быел ул 11нче тапкыр катнашучыларны каршы алды. СССР нефть промышленносте министры һәм “Татнефть”нең атаклы җитәкчесе булган Валентин Шашин хөрмәтенә үткәрелгән конференция Татарстанның 166 мәктәп укучысын һәм студентларны, шулай ук республиканың 15 районыннан 130 педагогларны берләштерде.
 
Конференциядә эшләр 17 юнәлеш буенча тәкъдим ителде: арада нефть табу, экология, туган якны өйрәнү, 3D-модельләштерү һәм башкалар бар иде.  

 Докладлар дәрәҗәсе бик югары булып чыкты, һәркем үз чыгышын макетлар, архив фотолары һәм тирән аналитика белән тулыландырды. Әйтик, Лениногорскиның 3нче мәктәбе укучысы Рада Рәшитова үзе җыйган качалка-станок моделен тәкъдим итте, ә Бөгелмәнең 12нче мәктәбе укучылары: Максим Герасимов һәм Данил Чатуров параболаларның һәм гиперболаларның көнкүрештә һәм иҗатта ничек очрашканын исбатладылар.

Алынган тәҗрибә яшь буын өчен бик яхшы старт булачак, шул исәптән «Татнефть»тә дә. Компаниядә укырга, яңалык ачарга һәм бергә үсәргә әзер булганнарны көтәләр.

Чыганак: https://vk.com/wall-211583960_1169

Сергей Трусов фотолары