Лениногорскида яңа юллар ясыйлар (фотолар)

Хәлне уңай якка якка үзгәртү өчен безнең районда да   байтак эшләр башкарыла. Мәсәлән, быел Геофизика, Сельхозтехника, Яницкий, Овражная, Высоковольтная, Земляничная урамнарында яшәүчеләрнең юл проблемасы үткән заманда  калды.  Шашин, Заварыкина юлларының кайбер участокларында асфальт яңарды.  Шунысы куандыра: тиздән Степная, Кошевой урамындагы кайбер  юллары да төзекләндерәчәк. Биредә яшәүчеләр шома асфальт белән беррәттән, тротуарлы да булачак. Бүгенге көндә анда кызу, эшләр кайный. Алай гына түгел, ремонттан соң  Чайковский урамыннан транспортта хәрәкәт итүчеләргә божрадан соң уң якка- Кошевой урамына  кереп китү мөмкинлеге ачылачак.  Бу Степной, Кошевой урамына барырга  теләүчеләр, анда яшәүчеләр  өчен аеруча җайлы . Бу очракта шоферларга  автовокзалга кадәр төшеп,  боҗраны  әйләнмәскә була дигән сүз.
Октябрь азагына кадәр Чайковский белән тоташкан юлдагы  асфальтны җәеп бетерү  күз алдында тотыла. 
Юл салу - чыгымлы да, гаять катлаулы да хезмәт. Иң мөһиме, изге эш ул. Күпме юлчы чын күңеленнән рәхмәтен укып, азап-михнәт күрмичә теләгән җиренә бара ала. Юллар һәркемне дә сөендерсен генә иде!

Текст һәм фото: Зилә Мөдәррисова