Лениногорскилылар “Без – Россия гражданнары” конкурсында катнашты

Татарстан Республикасы Үзәк сайлау комиссиясе "Без - Россия гражданнары" исемле мөмкинлекләре чикләнгән балалар һәм яшьләр арасында V республика иҗат конкурсы игълан иткән иде.

Анда 7 яшьтән 30 яшькәчә кадәрге мөмкинлекләре чиклеләр сайлау темасына карата иҗади эшләрен тәкъдим итте. Әлеге конкурста лениногорскилылар да катнашты. Яшь шәһәрдәшләребез Ләйлә Сәләхова "Рисуем выборы" һәм Идилия Сәгъдиева "Я будущий избиратель" номинацияләрендә диплом алды.

Кызларны Татарстан Республикасы Үзәк сайлау комиссиясе рәисе урынбасары Олег Сквордяков бүләкләде.

Зилә Мөдәррисова фотосы