Лениногорскилылар “Наше время – Безнең заман” фестивалендә призлы урыннар алды

9 - 10 октябрь аралыгында Әлмәт шәһәрендә "Наше время - Безнең заман" эшләүче яшьләр иҗаты Республика телевизион фестиваленең зональ этабы үтте.

Анда лениногорскилылар да катнашты. Хореография (соло) номинациясендә I урынны Регина Гиззатуллина яулады.

"Сәнгатьле сүз" номинациясендә II урынга Раил Гиззатуллин лаек булды. III урын хореография номинациясендә "Лениногорскгаз" идарәсенең бию коллективына бирелде. Җиңүчеләргә диплом һәм истәлекле бүләкләр тапшырылды.

Алар, шулай ук, 28 - 29 октябрь көннәрендә Казан шәһәренең "Химиклар" Мәдәният йортында үтәчәк суперфиналга чакыру алды.