Лениногорскилылар, ике көннән - Яңа ел!
Дустанә эт елына алмашка сары дуңгыз килә. Эт кебек, ул да миһербанлы, дустанә булырга вәгъдә итә.
Дуңгыз – юмартлыкны сөя, барлык нәрсәнең дә мул булганын ярата. Димәк, яңа 2019 ел безне көтелмәгән керемнәр, финанс тотрыклылыгы, күңелле сюрпризлар белән куандырачак.
Үзенә бераз гына пошмаслык та хас аның. Юк-бар белән беркемне дә аптыратмастыр, мөгаен. Әмма бу илке-салкы йөрергә ярый дигән сүз түгел. Җир дуңгызы эшсөяр, уңган кешеләрне хөрмәт итә. Җирдә эшләп, маңгай тире белән мал табучыларга аеруча хәерхаһлы булыр ул.
Дуңгыз – үрчемле җан иясе. 2019 ел ялгызларны – гаилә җылысы, өзелеп бала көтүчеләрне – сәламәт сабый, онык сөяргә сусаганнарны балдан татлы онык белән дә сөендерәчәк.
Сөенечләрең белән кил, Яңа ел!
Фото:https://pixabay.com/
https://kiziltan.ru
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев