Лениногорскиның "Шура хуран" ансамбле "Уяв" бәйрәмендә катнашты

Татарстан Президенты Рөстәм Миңнеханов, КПРФ партиясе Үзәк Комитеты рәисе Геннадий Зюганов, Чувашия Республикасы башлыгы Олег Николаев, Ульяновск өлкәсе губернаторы Алексей Русских, Татарстанның Чуваш милли-мәдәни автономиясе рәисе Дмитрий Самаренкин һ.б. дәүләт һәм җәмәгать эшлеклеләре төп мәйданның кунаклары булды.

Быел чуваш шагыйре Петр Хузангайның тууына 115 ел. Сихтермә-Хузангай - шагыйрьнең туган авылы. Быел бәйрәм шагыйрьнең биографиясенә һәм иҗатына, шулай ук чуваш милли мәдәниятен чагылдыручы үзенчәлекләргә  басым ясалды.

Бәйрәмдә Лениногорскиның чуваш ансамбле  "Шура хуран" (Мәдәният сарае ансамбле) катнашты. Ансамбль  солисты  Валентина Гаврилова Татарстан Халыклары Ассамблеясының Мактау грамотасы белән бүләкләнде.

П. Хузангайга багышланган шигырь фестивалендә "Салам" ансамбль вәкиле Софья Андреева да катнашты. Диплом алды.

•     «Уяв»  -  чуваш халкының милли бәйрәме. Үзенчәлекле мәдәниятне саклануга һәм милли традицияләрне ныгытуга юнәлтелгән комплекслы мәдәни-массакүләм бәйрәм. Ул 1940 елларда үткәрелә башлаган, беренче республикакүләм «Уяв» 1993 елда узган.