Лениногорскиның ике белем бирү учреждениясе финалга чыккан

Бу көннәрдә республиканың эксперт төркеме безнең районда булып, белем бирү учреждениеләренең яңа уку елына әзерлеген тикшерде, дип хәбәр ителә муниципалитет сайтында.
Эксперт төркем составына республиканың Мәгариф һәм фән министрлыгы хезмәткәрләре, депутатлар, иҗтимагый совет, яшьләр оешмалары вәкилләре кергән. Сайлап алуның зональ этабында "Иң яхшы махсус (коррекцион) оешма, Балалар йорты " номинациясендә беренче урынны Балалар йорты алган. "Иң яхшы урта белем бирү
учреждениесе" номинациясендә икенче урынны нефть техникумы яулаган. Алар финалга чыккан, нәтиҗәләре 18 август көнне билгеле булачак.