Лениногорскиның «Ихлас» мәчетендә яңа уку елы башлану алдыннан җыелыш үтте

Башта яңа уку елы алдыннан Лениногорск районы мәчетләрендә Ислам нигезләре буенча укулар алып баручы мөгаллим-мөгаллимәләр җыелышы узды.

Укулар алып баручыларга  уку программасы мөфтиятнең гомуми уставына туры килергә тиешлеген искәрттеләр.

Намаз укып алгач, мәчеткә укырга йөрүчеләр өчен гомуми җыелыш үтте.

Җыелышта хәзрәтләр чыгыш ясады . Катнашучылар "Ихлас" мәчетендә узачак дәресләр расписаниесе белән таныштылар.

Мәчеттә укулар уздыру өчен барлык шартлар тудырылган . Укырга килүчеләр үзләре белән кешеләр ияртеп килсәләр дә бик яхшы, үрнәк гамәл булуын әйттеләр.

Соңыннан хәзрәтләр сорауларга җаваплар бирделәр.

фотолар:  https://t.me/islam_v_leninogorske