Ләйсән Гыймаева өченчегә бәби көтә? (ФОТО)

Инстаграм дөньясында чираттагы шау-шу купты: Ләйсән Гыймаева белән Булат Бәйрәмовның тамашачылары Ләйсән өченчегә авырлымы-юкмы дип баш вата. Имеш-мимешләр күптән түгел үткән Анна Попованың иҗат кичәсеннән соң таралды.

Иң беренче, Инстаграмда Ландыш Нигъмәтҗанова Ләйсәннең корсагына күрсәтеп төшкән фото пәйда булды. Менә шуннан китте инде... Язма астында әллә никадәр комментарий җыелды. Ләйсән үзе исә фото астына "Үтерә бу кызый көлдереп" дип кенә язып куйган.

Матбугат.ру хәбәрчесе дә кызыксынып, җырчының тормыш иптәше Булат Бәйрәмов белән элемтәгә чыкты. Әмма серне чишә алмады. Булат та, Ләйсән дә бу тема буенча комментарий бирми.

Сүз уңаеннан, бәхетле пар берсеннән-берсе матур кызлар Таңсылу белән Зифабануны үстереп яталар.

http://matbugat.ru/