Мичурин авылында авыл хатын-кызлары көненә багышланган бәйрәм чарасы үтте

Шушы дата уңаеннан Мичурин авыл китапханәсе һәм мәдәният йорты бәйрәм чарасы уздырды.  Бу көн авыл хатын-кызларының хезмәтен һәм җәмгыятебез үсешенә керткән өлешен кадерләүчеләр өчен чын бәйрәмгә әверелде.

Чара башында алып баручылар барлык катнашучыларны әлеге күркәм көн белән котладылар, авылларда  хатын-кызларның ролен билгеләп үттеләр. Авыл хатын- кызлары-гореф-гадәтләрне һәм мәдәниятне саклаучылар, алар гаилә турында кайгырталар, йорт хуҗалыгы белән шөгыльләнәләр һәм азык-төлек белән тәэмин итәләр, дип сөйләделәр алып баручылар.

Чараның программасы бай һәм кызыклы иде. Кунаклар рәхәтләнеп җырладылар һәм артистлар белән бергә биеделәр.

Конкурсларга һәм викториналар катнашучыларга белемнәрен һәм талантларын күрсәтергә мөмкинлек бирде.

Чара азагында оештыручылар барысына да катнашулары өчен рәхмәт белдерделәр. Ә  бәйрәмгә килүче хатын-кызлар канәгать булып кайтып китте.

фотолар: Мичурин китапханәсеннән