QR-кодны тикшерү өчен паспорт яки транспорт йөртү таныклыгы кирәк

Коронавирустан вакцинация турында QR-кодны тикшерү өчен паспорт яки транспорт йөртү таныклыгы кирәк.

Роспотребнадзор хезмәтенең Татарстан буенча идарәсе җитәкчесе Марина Патяшина «Татар-информ» агентлыгында матбугат конференциясендә сөйләгәнчә, QR-кодның дөреслеге, чыннан да шул кешенеке булуы документ белән тикшереләчәк.

«QR-кодны паспорт белән туры килү-килмәвен тикшерәчәкләр, юкса аны кешеләр бер-берсенә җибәреп кенә ятачак. Паспорт булмаса, транспорт йөртү таныклыгы да ярый», — дип белдерде Марина Патяшина.

Чыганак: ТИ

Фото: pixabay.com/ru

http://baltaci.ru/news/t%D3%A9rlese/qr-kodny-tiksher-chen-pasport-yaki-transport-yrt-tanyklygy-kirk