Район авыллары имамнары җыелышты
Лениногорск шәһәренең «Ихлас» мәчетендә авыл имамнары җыелышы үтте, дип хәбәр итә мөхтәсибәт.
«Җыелышта төрле сораулар каралды. Шулар арасында: яңа уку елына әзерлек һәм планнар, җәйге балалар курсларына һәм җәйге эшләргә нәтиҗәләр ясау, махсус хәрби операциядә катнашучы хәрбиләргә ярдәм җыюны дәвам итү, СВО да һәлак булганнарның гаиләләрен кайгырту, гаиләдәге ятим калган балаларны кайгырту кебек мәсьәләләр күтәрелде. Шулай ук гошер җыю турында сүз алып барылды. Гошер җыю кебек Аллаһының әмерен бергәләп үтәргә кирәклеге турында сөйләнелде. Аллаһ ризалыгы өчен кылынган гамәлләр кабул булсын һәм киләчәктә дә изгелектә булырга насыйп булсын дигән догада, имамнар үз авылларына таралыштылар», - дип яза Лениногорск мөхтәсибәте телеграм-каналда.
Фото: мөхтәсибәттән
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев