Росстат дәүләт хезмәтләре порталында халык санын алуны озайтты
Бөтенроссия халык санын алуда ил халкының 63 проценты, бу якынча 90 млн кеше, катнашкан. Шулардан 20 млн кеше халык санын алу чарасын дәүләт хезмәтләре порталында узган.
Федераль дәүләт статистикасы хезмәте (Росстат) дәүләт хезмәтләре порталында Бөтенроссия халык санын алуны тәмамлау вакытын 8 ноябрьдән 14 ноябрьгә кадәр күчерде.
«Россия Федерациясенең барлык субъектларында да, чикләү чаралары кертелүгә бәйле рәвештә, дәүләт хезмәтләре платформасында исәпкә алынучылар саны көн саен артты. Шуңа күрә без, халык санын алуда кешеләргә өстәмә атна бирү өчен, онлайн-исәпкә алуны 8 ноябрьдән 14 ноябрьгә кадәр озайту турында карар кабул иттек», — дип хәбәр итте ТАССка Росстат җитәкчесе урынбасары Павел Смелов.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев