Салават Фәтхетдинов зур үкенече турында сөйләде
Салават Фәтхетдинов халык шагыйре Фәнис Яруллин белән күрешеп кала алмавына үкенә. Бу хакта ул үзенең концертында әйтте.
“Фәнис Яруллинның мине күрәсе килүе турында әйткәннәр иде. Аның туган көненә күчтәнәчләр җибәргәнмен, үзем килмәгәнмен. Мин моңа бик үкенәм. Аның янына мин барырга тиеш идем, ул бит инде үзе минем янга килә алмый”, - диде ул һәм сәхнәдән халык шагыйренең бер шигырен укыды.
Быелгы 30нчы юбилей сезонына Салават Фәтхетдинов Фәнис Яруллин шигыренә язылган бер җырны да керткән иде. Концертта яңа җырның премьерасы булды, дип яза Татар-информ.
Салават концертларын оештыручылар тамашаларның берсенә шагыйрьнең хатыны Нурсия Яруллинаның чакырылганын әйттеләр.
Камал театрында 1 августта Салават Фәтхетдинов концертлары башланып китте. Җырчының 30нчы юбилей сезоны концертлары унтугыз көн барып, 20 августта “Татар моңы” концерты белән төгәлләнәчәк.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев