Шәйдуллиннар гаиләсе "алтын туйлары"н билгеләп үтте

21 декабрьдә Нигъмәтулла Әгълиулла улы һәм Сәвия Шаәхмәт кызы Шәйдуллиннар гаиләсенең тормыш башлап яшәүләренә 50 ел тулуны - "Алтын туйларын" бигәләп үттеләр. Инде күптән билгеле булган гореф-гадәт буенча аларның исеме Лениногорск районының гаилә тормышы юбилярлары почет кенәгәсенә кертелде. ЗАГС бүлеге җитәкчесе Елена Миннигаләмова исеменнән юбилей таныклыгы тапшырылды.

Бүгенге көндә алар күңелләре белән яшь. Сезнең бер-берегезгә булган хисләрегез гомер юлыгызда бары бәхет һәм көч кенә биреп килсен. Без чын күңелдән Шәйдуллиннар гаиләсен "Алтын туйлары" белән котлыйбыз, исәнлек-саулык, озын, тигез тормыш һәм иминлек телибез.