Сәламәтлек саклау министрлыгы Шөгердәге табиблык амбулаториясендә капиталь ремонт барышы белән танышты

 Шөгер авылының табиблык амбулаториясендә  «Сәламәтлек саклау» илкүләм проектның Татарстан Республикасы сәламәтлек саклауның беренчел звеносын модернизацияләү программасы буенча капиталь ремонт бара. Эшләрнең бәясе 51 015 мең сум тәшкил итә.

Амбулаториядә гериатрия бүлеге ачылачак. Бүгенге көндә барлык демонтаж эшләре башкарылган, тәрәзәләр алыштырыла. Эшчеләр барлык эшләрне көз ахырына кадәр төгәлләргә планлаштыра.

Күчмә киңәшмәдә сәламәтлек саклау министрлыгы вәкилләре һәм район үзәк хастаханәсенең баш табибы Рим Әмиров белән  районда сәламәтлек саклауның беренчел звеносын модернизацияләү программасын тормышка ашыру мәсьәләләре турында фикер алыштылар. Бу программага Лениногорск район үзәк хастаханәсенең өч медицина объекты кергән.

фотолар: https://minzdrav.tatarstan.ru/index.htm/news/2087918.htm