Социаль фондның Лениногорск филиалы хезмәткәрләре спартакиадада 3 урынны яуладылар
Россия Федерациясе Пенсия һәм социаль иминиятләштерү фондының Татарстан Республикасы буенча бүлекчәсе системасы хезмәткәрләре арасында Халыклар бердәмлеге елына багышланган Спартакиада Сабада узды.
Спартакиада спорт-массакүләм һәм физкультура-савыктыру әзерлеге максатларында үткәрелә.
Татарстан Республикасы буенча Пенсия һәм социаль фонд бүлекчәсе системасы хезмәткәрләренең 7 зона буенча Спартакиаданың беренче этабы апрель аенда узган иде.
Көньяк-көнчыгыш зонада ярышлар 5 спорт төре буенча узды: йөзү , бадминтон, волейбол, теннис. Биредә Әлмәт, Ютазы, Бөгелмә, Баулы, Сарман, Зәй, Азнакай, Лениногорск шәһәрләреннән Социаль фонд бүлекчәләре хезмәткәрләре ярышты. Лениногорскилылар теннис буенча 1 урынны яуладылар һәм республика дәрәҗәсендә — Сабадагы спартакиадада катнашу хокукына ия булдылар.
Байлар Сабасында үз зоналарында җиңүчеләр: Казан, Чирмешән, Чаллы, Алабуга, Буа, Нурлат, Арча, Саба, Теләче, Лениногорск, Яшел Үзән, Азнакай шәһәрләреннән фонд бүлекчәләре хезмәткәрләре ярышты. Лениногорскилылар өстәл теннисында бронза медальгә ия булдылар.
фото: Лениногорск Социаль фондтан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев