Татарстан ЮХИДИ идарәсе һава шартларының начарлануы турында кисәтә
Татарстанда 22 февральдә һава шартларының начарлануы көтелә.
Бүген көчле кар яваячак, күз күреме 1000 метрга кадәр һәм аннан да кимрәк булган буран, җилнең тизлеге секундына 18 метрга кадәр, юлларда кар көртләре һәм бозлавык.
Машина йөртүчеләр юл хәрәкәте кагыйдәләрен үтәргә һәм уяу булырга киңәш ителә. Куркынычсызлык каешларын эләктерергә кирәк. Балаларны алгы утыргычта 12 яшькә кадәр, арткы утыргычта 7 яшькә кадәр бары тик балалар өчен махсус утыргычлар гына кулланып йөртергә.
ЮХИДИ юл хәрәкәте кагыйдәләрен тайпылышсыз үтәү турында искә төшерә. Һава торышы начар булганда, юлга чыгудан тыелырга кирәк.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев