Татарстанда җиде ел эчендә легаль таксилар саны 271,2 процентка арткан

Бүгенге көндә такси эшчәнлеген гамәлгә ашыруга рөхсәте булган автомобильләр саны 24 меңнән артып киткән, дип хәбәр итә ТР Транспорт министрлыгы матбугат хезмәте.

"Закон кабул ителү такси тармагының соры зонадан тиз чыгуына китерде. 2019 елда Татарстанда 6,5 мең машинага рөхсәт бирелгән", - дип билгеләделәр министрлыкта.

Быелның гыйнварыннан Татарстанда 6,1 мең җиңел такси йөртүче теркәлгән. Аларның 5,5 меңнән артыгы  – үзмәшгульләр, 504е – шәхси эшмәкәрләр, 42се – юридик затлар.

Республиканың агрегаторлар реестрында 32 җиңел таксига заказ бирү хезмәте исәпләнә, шуларның 26сы – юридик затлар һәм алтысы – шәхси эшмәкәрләр.

татар-информ