Татарстанда ике атна эчендә 11 кеше алкогольдән агуланып үлгән

автор, 3 сентябрь 2015 - 10:44

1820

Татарстанда 19 нчы августтан 1 нче сентябрьгә кадәр өлкәннәр арасында алкоголь һәм спиртлы эчемлекләрдән бик нык агулануның 42 очрагы теркәлгән. Аларның 11е үлем белән тәмамланган, дип хәбәр итә Россия Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсе. Агулану очраклары республиканың 14 муниципаль районында -...

Татарстанда ике атна эчендә 11 кеше алкогольдән агуланып үлгән

Агулану очраклары республиканың 14 муниципаль районында - Минзәлә, Әлмәт, Яшел Үзән, Биектау, Алабуга, Мамадыш, Мөслим, Түбән Кама, Нурлат, Чистай, Саба, Чүпрәле районнарында, Казан һәм Яр Чаллыда теркәлгән.

Алкоголь һәм спиртлы эчемлекләрдән каты агуланучыларның 85,8 проценты - ир-атлар, хатын-кызлар - 14,2 процент. Балалар һәм яшүсмерләр арасында мондый очраклар теркәлмәгән.

Социаль хәлгә анализдан күренгәнчә, эшләүчеләр арасында мондый 9 очрак (21,4 процент), эшсезләр арасында 24 очрак (57,2 процент), пенсионерлар арасында 9 очрак (21,4 процент) теркәлгән.

Үлем очраклары - Татарстанның 7 муниципаль районында: 3 очрак - Казанда, Әлмәт һәм Саба районнарында 2шәр очрак, Яшел Үзән, Нурлат, Алабуга, Чүпрәле районнарында 1 әр очрак булган. 9 очракта үлемнең сәбәбе - этанол белән һәм 2 очракта - билгесез спирт белән агулану.

http://tat.tatar-inform.ru/

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең Телеграм-каналга кушылыгыз: https://t.me/zamansulyshy