Татарстанда коткаручылар боз өстеннән сигез яшүсмерне чыгарган

Чаллыда коткаручылар Мәләкәс елгасында боз өстеннән сигез яшүсмерне чыгарган. Бу турыда “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Кичә 16.20 сәгатьтә ашыгыч хезмәтнең 112 бердәм номерына хатын-кыз шалтыраткан. Ул Мәләкәс елгасындагы боз өстендә балалар йөгереп йөрүен әйткән», – диелгән хәбәрдә.

Елга янына 6нчы зона патруль-коткару отряды хезмәткәрләре килгән. Алар сигез үсмерне боз өстеннән чыгарган һәм юка бозга керү куркыныч булуы турында әңгәмә үткәргән.

Аннары балаларны балигъ булмаганнар эшләре буенча инспекторларга тапшырганнар.

Чыганак:https://tatar-inform

Фото: https://pixabay.com/ru/