ТАВЫК ҺӘМ ГӨМБӘЛЕ КӘРЗИННӘР

Әзер кәрзиннәр (тарталеткалар), 300 г пешкән яки ысланган тавык ите,
2 уртача зурлыктагы помидор, 1 банка маринадланган баллы гөмбә (опята), 2-3 каты пешкән йомырка, петрушка, майонез, тоз.

Маринадланган гөмбәне вак итеп турарга. Кәрзиннәр санынча гөмбәне турамый калдырырга.

Тавык ите, помидор, йомырканы шакмаклап, петрушканы вак итеп турарга. Барысын бергә кушарга, тоз, майонез салып болгатырга.
Барлыкка килгән катнашманы кәрзиннәргә тутырырга, өстен яшел тәмләткечләр белән бизәргә.

Һәркайсының өстенә гөмбә куеп чыгарга.

("Тәмлетамак" газетасы)

https://vk.com/tatarshlari