Укытучылар көне белән!

Кулларына сихри әлифба алып,
Һәр хәрефнең серен аңлаткан.
Елмаюы, көләч йөзе белән
Безне һаман үзенә караткан.
Без, балалар, гамьсез йоклаганда
Төннәр буе дәрес караган.
Башындагы куе матур чәче
Безнең хәсрәтләрдән агарган.
Суык классларда белем биреп
Тормыш сукмагына юллаган.
Балалары үсеп кеше булган:
Гомер үткән, саулык югалган.
Изге тәрбиянең җимешләре
Хезмәт итә халкың, илеңә.
Зур ихтирам белән искә ала
Тап төшерми изге исмеңә.