Якташыбыз Ләйсән финалга үтте

Республикакүләм "Татар кызы" бәйгесенең ярымфиналы үтте. 20 катнашучы кыздан 12се финалга чыкты. Алар арасында безнең Ләйсән дә бар.

Финал киләсе елга мартта булыр дип көтелә. Ләйсән молодец! Лениногорск данын республикада яклады. Һәм финалга узды. Киләчәктә дә уңышлар телибез.

Искә төшереп үтик: ярымфиналга кадәр зональ этап узды. Татарстан буенча барлыгы 70 тән артык кыз катнашты, 20се ярымфиналга узды.

Ләйсән конкурс турында: "Зур җаваплылык сорый торган бәйге. Декабрь ахырында болай да тыгыз вакыт, тик ярымфиналга иҗади чыгышымны ныклап әзерләдем. Шигырь укырга уйладым һәм бу бик отышлы килеп чыкты. Район данын яклау, әлбәттә, бик нык дулкынландыра. син бит үзеңнең генә түгел, ә туган ягыңда нинди уңган, булган кызлар яшәвен тагын бер кат искәртергә тиешсең", - ди.

Розалия Мостафина

Фотолар: скриншот инстаграм