ЯКТАШЫБЫЗ РӘМЗИЯ ГАБДЕЛХАКОВАДАН КҮЧТӘНӘЧ

Уй-хыялсыз күңел бармы, 
Өметләргә кем чик куйган? 
Таңнар якты, яшәү татлы
Бер йөрәккә дөнья сыйган! 

Җирдә юллар, күктә юллар, 
Карурман да түгел киртә. 
Кайчак соңгы тукталышка 
Шул ук чиксез юллар илтә...

Сау бул, дибез, хәерле юл! 
Күрешергә өметләр зур. 
Хуш, дияргә тел әйләнми, 
Мәрхәмәтсез булмачы, юл! 

Өзелмәсен юлчыларның 
Өметләре, гомерләре. 
Көтсен алда һәммәбезне 
Тик күрешү мизгелләре!

                                                                                                                   Фото:http://pixabay.com