ЯҢАЛЫКЛАР
Якташыбыз Халисә Ширмән шигырен укыгыз
*** Мин генәме? ...Ә кем әйткән көзге яңгырларны Соры төстә, диеп, гел генә? Кайтам менә урам уртасыннан, Өсләремә энҗе түгелә... Һәр тамчысы көзге бу яңгырның Уттай кызган җанга төшә дә, Күтәрелә кире төнге күккә... Сөйләп булмый моны кешегә. Ә җан дигән нәрсә ник кызган соң? Мәхәббәттән инде, билгеле: Тагы гашыйк...
*** Мин генәме?
...Ә кем әйткән көзге яңгырларны
Соры төстә, диеп, гел генә?
Кайтам менә урам уртасыннан,
Өсләремә энҗе түгелә...
Һәр тамчысы көзге бу яңгырның
Уттай кызган җанга төшә дә,
Күтәрелә кире төнге күккә...
Сөйләп булмый моны кешегә.
Ә җан дигән нәрсә ник кызган соң?
Мәхәббәттән инде, билгеле:
Тагы гашыйк күңел бу дөньяга,
Ләйләсенә Мәҗнүн шикелле...
Соры түгел шуңа тамчылар да -
Тоташ актан болыт киенгән.
...Мин генәме әллә бу дөньяда
Көзге яңгырларга сөенгән?
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев