Хәзерге вакытта Лениногорск шәһәре һәм районында «Игътибар, балалар» акциясе бара. Чара балаларның юл-транспорт травматизмын кисәтүгә юнәлдерелгән.
Лениногорскида " Игътибар, балалар!» кысаларында, «Иң кыйммәтлесен эләктер» акциясе узды. Аны «Юл хәрәкәте куркынычсызлыгы» учреждениесе һәм 27 нче балалар бакчасы оештырды.
Акциянең максаты - балаларны автомобильдә йөрткәндә махсус җайланмаларның мөһимлеген искә төшерү. Катнашучылар мәгълүмат стендлары урнаштырдылар, әңгәмәләр үткәрделәр һәм белешмәләр өләштеләр.
«Мондый чаралар балалар катнашындагы юл-транспорт һәлакәтләре санын киметергә ярдәм итәр, дигән максат белән үткәрдек», – ди «Юл хәрәкәте куркынычсызлыгы» учреждениесе профилактика бүлеге Эльвира Кирдянова.
Онытмагыз: бала - иң кыйммәтле пассажир!
фото: Э.Кирдянова
Нет комментариев