Лениногорск-Чирмешән юлында һәлакәт
2 нче февраль көнне Лениногорск –Чирмешән юлында юл-транспорт һәлакәте булды.
Көндезге сәгать 2 тулып 20 минут үткәндә, Лениногорскига баручы Шкода Кодиак автомобиле юл кырыенда туктап торучы КамАЗга килеп бәрелгән. Җиңел автомобильнең 1971 елгы йөртүчесе һава торышы шартларын, күз күремен исәпкә алмыйча хәрәкәтләнгән. Тизлеген дөрес сайламау һәм туктап торган йөк машинасының габарит размерларын чамалап бетермәү сәбәпле һәлакәт китереп чыгарган. Машина йөртүченең үзен төрле җәрәхәтләр белән Бөгелмәгә хастаханәгә озатканнар. КамАЗ машинасының 1985 нче елгы шоферы зыян күрмәгән.
Әлеге очрак буенча административ эш кузгатылды.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев