Лениногорск районында питбайклар буенча рейдлар узачак

Профилактик чаралар юл йөрү кагыйдәләрен бозуларны  һәм юл-транспорт һәлакәтләрен булдырмауга юнәлдерелгән.  

Язгы сезон башлану белән шәһәр һәм район юлларында питбайклар күренү очраклары ешайды. Шуңа бәйле рәвештә юл-патруль хезмәте инспекторлары балигъ булмаганнарны руль артында ачыклауга игътибар биреп, массакүләм тикшерүләр үткәрәчәк.

Закон законнарның төп кагыйдәләрен һәм таләпләрен искә төшерәбез:
1.  Питбайк-ул спорт инвентаре: мондый модельләрнең күбесе гомуми файдаланудагы юллар өчен каралмаган. Аларда машина юлына чыгу тыела.
2.  Рульгә утырырга рөхсәт бирүче йөртү таныклыгы : питбайклар белән идарә итү өчен тиешле А1 категорияле йөртү таныклыгы алырга кирәк.
3.  Ата-аналарның җаваплылыгы: идарә итүне хокуксыз затка тапшырган өчен 30 мең сум күләмендә штраф каралган. Шулай ук ата-аналар тәрбия буенча бурычларын үтәмәгән өчен РФ Административ кодексының  5.35 маддәсе буенча җавапка тартылырга мөмкин.

Рейдлар барышында хокук бозучылар административ җаваплылыкка тартылачак, ә техника тартып алыначак һәм махсус стоянкага урнаштырылачак.

Лениногорск Дәүләт автоинспекциясе халыкны куркынычсызлык кагыйдәләрен үтәргә чакыра. Юлларның имин һәм куркынычсызлыгы -уртак эш.

Фото ДАИ бүлегеннән