Лениногорскилы ир-ат көчле исерек хәлдә рульгә утырган һәм вакытында туктатылган

Руль артында транспорт чаралары белән идарә итү хокукыннан мәхрүм ителгән 1990 елгы ир-ат була.

Сертификацияләнгән «Алкотектор Юпитер-К» приборын кулланып тикшерү нәтиҗәсе руль артында утыручының бер литр сулышында  0,966 миллиграм алкоголь тәшкил итүен күрсәткән. Бу рөхсәт ителгән нормадан шактый артып китә.

 Хокук бозучыга карата РФ Административ кодексының 12.7 маддәсенең 2 өлеше буенча административ беркетмә төзелгән. Әлеге маддә идарә итү хокукыннан мәхрүм ителгән затның транспорт чарасы руле артына янә утырганы өчен җәза билгели. Моннан тыш, РФ Җинаять кодексының 264.1 маддәсе 1 өлеше -административ җәзага тартылган яки хөкем ителгән затның исерек хәлдә рульгә утырганы өчен өстәмә җәза билгеләнәчәк.

 Дәүләт автоинспекциясе искә төшерә: исерек килеш автомобиль йөртү — юл хәрәкәтендә катнашучыларның гомеренә һәм сәламәтлегенә турыдан-туры куркыныч белән яный.