Лениногорскиның бакча балалары «Юл фәннәре»н өйрәнә

Бу чарада бакчада тәрбияләнүчеләр өчен генә түгел, аларның әти-әниләре өчен дә бик файдалы, кирәкле булган  темалар яктыртылды.
Мәсәлән, «Бала — төп пассажир» акциясе, әти-әниләрнең балаларын  автокреслоларда йөртү  турында һәрвакыт истә тотарга тиешлеген искәртте. Төркемнәрдә интеграцияләнгән – берничә төрле юнәлешне берләштергән дәресләр, балалар өчен күңелле уен чаралары итеп оештырылган «юл фәннәре мәктәбе»ндә укулар булды.

Дәүләт автоинспекциясенең чакырылган вәкиле Анастасия Ибряева балаларга юлда үз-үзеңне тоту кагыйдәләре һәм яктылыкны кире кайтара торган элементларның файдасы турында сөйләде. 

Юл хәрәкәте иминлеге кагыйдәләре, урамда үз-үзеңне ничек тоту, җәяүле кеше өчен булган кагыйдәләр нәкъ менә шундый чаралар ярдәмендә балаларның хәтеренә ныграк сеңеп кала.

фотолар: ДАИ бүлегеннән