Татарстанда “Нива” белән бәрелешкән җигүле ат хуҗасы һәлак булган

Аксубай районында “Нива” белән бәрелешкән җигелгән ат хуҗасы һәлак булган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Аксубай – Чистай юлының 39нчы чакрымында булган юл һәлакәте турындагы хәбәр 112 бердәм номерына кичә 2 сәгать 10 минутта алынган.

Беренчел мәгълүматлар буенча, 30 яшьлек “Нива” йөртүчесе арба белән бәрелешкән. Шуннан соң “Нива” юл кырыена төшеп киткән һәм әйләнгән.

Алган җәрәхәтләрдән 57 яшьлек ир-ат урында ук үлгән. Машина йөртүче хастаханәгә барудан баш тарткан.

Урынга килгән янгын сүндерүчеләр автомобильнең аккумуляторын сүндергән.

Бу хакта тулырак: https://tatar-inform.tatar/news/2018/08/02/168969/