Шөгерлеләр зарлана

Шөгер урамнарына тозлы су сибүне туктатырга вакыт.

Урамнар тар, җәяүлеләр, балалар юл кырыйлап мәктәптән кайталар, КамАЗ машиналары тозлы суны балаларның өсләренә чәчерәтеп узалар.Көн саен балаларның киемнәрен юабыз. Бүген буран чыгарга торганда кем тозлы су сибә инде. Юлда тозлы кар боткасы, машина урысча әйткәндә "Неуправляемый" га әйләнә. Күрә торып, авария ситуациясе тудырыла бит. Келәүле районында тозлы ком да, тозлы су да сипмиләр, ә юллары чиста, бозлы да, карлы да түгел. Спиридоновка авылын узгач, ватык юл башлана, көн саен тозлы ком сибеп, юлда ботка хасил була, чокыр-чакырлар ачыла. Ватык юл кыш көне кар белән булса да тигезләнеп торсын инде.