Коточкыч фаҗига
24 июль төнендә Яшел Үзән районында кеше үлеменә китергән юл-транспорт һәлакәте булды.
ГАИның якынча мәгълүматлары буенча, салонында 7 кеше булган «Шевроле Ланос» машинасын йөртүче куркынычсыз тизлекне сакламый һәм идарә итүне югалта. Нәтиҗәдә, автомобиль агачка барып бәрелә һәм яна.
Юл-транспорт һәлакәтендә 6 кеше: шофер һәм 5 пассажир һәлак була. Бер баланы төрле җәрәхәтләр белән Яшел Үзән үзәк район хастаханәсенә алып китәләр. Машина янып бетә.
ТР буенча Эчке эшләр министрлыгында ачыклык кертүләренчә, машинада 16-18 яшьлек җиде яшүсмер булган. Зыян күрүчене китергәннәр.
Татарстанның Тикшерү комитеты юл кагыйдәләрен үтәмәү нәтиҗәсендә кешеләр үлеменә китергән һәлакәт факты буенча җинаять эше кузгатты. Тикшерү эшләре башланды.
татар-информ
Фото: Прокуратура РТ
Нет комментариев