(Казан, 3 октябрь, «Татар-информ»). Татарстанның Апас районында чит ил маркалы машина 21 яшьлек егетне таптаткан. Бу турыда «Татар-информ» агентлыгына шәһәрнең Дәүләт автоинспекциясе матбугат хезмәте хәбәр итте.
Узган шимбәдә Каратун-Чирмешән юлының 4нче чакрымында «Рено Дастер» автомобиле 21 яшьлек егетне таптаткан. Беренчел мәгълүматлар буенча, җиңел машинаның тизлеге зур булган, ә егет автомобильгә каршы юнәлештә барган, аның киемендә утны кире яктырткыч элементлар булмаган.
Җәяүле алган тән җәрәхәтләреннән шунда ук үлгән.
Бу хакта тулырак: https://tatar-inform.tatar/news/2018/10/03/172746/
Нет комментариев