Лениногорскилылар грек-рим көрәшендә җиңүләр яулап кайтты (+ фото)
Лениногорскиның грек-рим көрәшчеләре бер-бер артлы ике бәйгедә бил алышып кайттылар. Аларның берсе - Кама аръягы төбәге һәм Яр Чаллы спорт мәктәпләре Ачык Беренчелеге.
Бу бәйгедә республиканың 11 шәһәреннән 167 грек-рим көрәшчесе катнашты. Лениногорскиның данын әлеге бәйгедә шәһәрнең 3 нче спорт мәктәбендә тәрбияләнүче көрәшчеләр төркеме яклады.
Бәйге 2010-2011 нче елгы үсмерләр арасында узды. Үз үлчәү категорияләрендә Лениногорск көрәшчеләре Александр Носов, Павел Антонов Павел, Николай Лобанов җиңүгә ирештеләр. Радмир Мортазин һәм Кирилл Иванов 2 нче урынны яуладылар. Илья Пикалев, шулай ук үз авырлыгындагы көрәшчеләр арасынд, 3 нче урынга чыкты.
Ярышларның икенчесе Бөгелмә шәһәрендә булды. Анда яшүсмерләр арасында республика көрәш турниры булып үтте. Турнирда Татарстанның 10 шәһәреннән 157 спортчы катнашты. Лениногорскиның 3 нче комплекслы спорт мәктәбе көрәшчеләре Павел Антонов 35 килограммга кадәр авырлык категориясендә 1 нче урынны, Макар Зубаровский 62 килограммга кадәр авырлыктагы көрәшчеләр арасында 2 нче урынны яулады.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев