Лилия Муллагалиевага операция булган

Җырчы Лилия Муллагалиева яман шеш белән көрәшүен хәбәр иткән идек.

7 октябрьдә  ул Санкт-Петербург шәһәрендәге хастаханәдә операция ясаткан. Операция алдыннан ул видео яздырткан.

"Бүген, ниһаять, минем операция. Кызганычка анализлар мин теләгәнчә килмәде, хәерлегә булсын. Ике якта да начар чир булуы расланды. Шуңа ике якны да тулаем алалар. Табиблар шундый карарга килде", – дип сөйли ул үзенең телеграм каналында. 

Аннары операция ясагач та видеоэлемтәгә чыккан.  «Җәмәгать, бер видео гына ясыйм да телефонымны алып куям. Алайса минем телефоным шартлый. Барысы да әйбәт, ясадылар. 5 сәгать дәвам иткән операция. Тавышлар әлегә шулайрак. Мине реанимациядә диделәр. Барлык лимфаларны, калкансыман бизләрне алып аттылар. Табиблар шундый карарга килде. Иң мөһиме – яман шешне алып ташладылар», – диде җырчы.

Без исә Лилиянең сәламәтләнеп, гаиләсе янына әйләнеп кайтуын теләп калабыз.

 https://baltaci.ru