Татарстанда шикәргә ихтыяҗ арткан
Соңгы атнада Татарстанда шикәргә ихтыяҗ 16 тапкыр арткан. Бу хакта ТР Премьер-министры урынбасары — авыл хуҗалыгы һәм азык-төлек министры марат Җәббаров Хөкүмәт йортында брифингта әйтте.
«Узган атна эчендә халыкның көнбагыш маен сатып алу күләме — 9 тапкыр, карабодай буенча — 5 мәртәбә, тозга ихтыяҗ 7 тапкыр артканы күзәтелде», — диде министр.
Марат Җәббаров әйтүенчә, тарату үзәкләрендә запаслар җитәрлек. Азык-төлек дефицитына җирлек юк.
«Ажиотаж туктар дип өметләнәбез. Халык күпләп алганга, кибет киштәләре бушап кала, товарны тарату үзәкләреннән кайтарып та өлгермиләр хәтта», — диде министр. Ул кибетләрдә продукция җитәрлек күләмдә булуы контрольдә тотылганын әйтте.
https://pixabay.com/ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев