Район волонтерлары хәрби операциягә ярдәм итү өчен чираттагы хәйрия концерты оештырды
СВО

Район волонтерлары хәрби операциягә ярдәм итү өчен чираттагы хәйрия концерты оештырды

Игелекле эшләр.

Чираттагы хәйрия концерты Бәкер шифаханәсе мәдәният йортында узды.

Лениногорскиның “С любовью и молитвами” волонтер төркеме чираттагы игелекле эшне башкарды: район волонтерлары катнашында концерт узды. Волонтер төркемнең филиаллары катнашты:  Яңа Сережкино, Мордва Кармалка, Иске Шөгер, Федотовка, Кирлегәч, Куакбаш, Урдалы, Яңа Иштирәк.

Районыбызның артистлары янәдән үзләренең талантларын исбатлады. Оста итеп җырлар башкардылар, биюләр, гармун моңнары – болар халкыбызның бердәм булуын күрсәтте.

Волонтер төркемнәр хәрби операция зонасына җибәрә торган әйберләрдән, әйтик, маскировка челтәрләре, бәйләгән носкилар, теккән плащ-пончолар, балалар хатлары – болар күргәзмә ясап куелган иде.

Хәйрия концертында барлыгы 34 мең сум акча җыелган. Акчалар маскировка челтәренә материаллар алу өчен тотылачак.

Чираттагы хәйрия концерты – Яңа Иштирәк авылында, 26 ноябрьдә узачак.Башлана: 18.00 сәгатьтә.


Нет комментариев