35 тулдымы: тонометр сатып ал

Ә хроник авырулары булмаса, 18 яшькә кадәрге үсмерләргә тонометр таләп ителми.

35 яшьтән өлкәнрәк кешеләрнең өй аптечкасында, һичшиксез, тонометр булырга тиеш. Бу хакта Мәскәү сәламәтлек саклау департаментының баш клиник фармакологы Марина Журавлева әйткән. “Төрле яшьтәге кешеләр яшәгән гаиләдә һәрвакыт тонометр, термометр булырга тиеш. 35 яшьтән өлкәнрәкләргә бу таләп бигрәк тә нык кагыла”, – дигән ул.

Табиб сүзләренчә, артериаль кан басымын контрольдә тотарга һәм кирәк вакытта аның арту сәбәбен эзләргә кирәк. Ул билгеләп үткәнчә, әгәр яшь чакта ук шундый тайпылыш күзәтелсә, борчылу өчен сәбәпләр бармы-юкмы икәнен ачыклау өчен белгеч белән киңәшләшергә кирәк.

http://baltaci.ru/news/s%D3%99lam%D3%99tlek/35-tuldymy-tonometr-satyp-al

https://photo.tatar-inform.ru/