45 яшьтән соң нәрсә ашарга ярамый?

Табиб-диетолог Анна Петрова өлкән яшьтәге кешеләрдә шактый куркыныч авырулар китереп чыгару ихтималы булган ризыкларны атады. Аларны 45 яшьтән соң ашамау хәерле, дип сөйләгән ул «Вечерняя Москва» басмасына.

Белгеч сүзләренчә, шоколад, конфетлар һәм башка кондитер әйберләре гади углевод була, аларның атеросклероз, шикәр авыруы, инсульт, йөрәктә ишемия авыруы, Альцгеймер авыруы китереп чыгаруы мөмкин.

Өлкән яшьтәге кешеләргә шоколадның кара сортларын ашарга була, анда шикәр азрак, шулай ук җиләк-җимеш һәм кипкән җимешләр ашарга була. Мәсәлән, финик, кара җимеш яки банан.

45 яшьтән өлкәнрәк кешеләрдә кондитер әйберләре ашагач, аларның йөзе «шикәрле бит» формасына керергә мөмкин. Аның төп билгеләре — битнең төсе тоныклана, пигментлар, кызыл таплар һәм шешү барлыкка килә. «Шикәрле бит»нең башка билгеләре — кашлар юкару, бит тиресе шәлперәю.

Фото: pixabay.com

Чыганак: интертат

 http://bavly-tat.ru/news/kirkle-kyzykly-sandygy/45-yashtn-so-nrs-asharga-yaramyy