С витамины җитмәвен ничек белергә?

Еш һәм тиз арыйсыз икән, С витамины җитмәвенә шик бар, чөнки бу витамин чыдамлыкны арттыра, физик һәм акыл эшчәнлеген яхшырта, энергия бирә.

Салкын тию, грипп, ОРВИ кебек авыруларның еш күзәтелүе дә мөһим витаминның җитмәве хакында сөйли. С витамины аз булганда организм хәлсез һәм чирләргә каршы тора алмый.

Еш баш авыртуны без стрессларга бәйлибез. Ләкин бу хәл дә витамин җитмәүдән булырга мөмкин. Организмда С витаминының аз булуы йокысызлыкка да китерә.

Физик күнегүләр белән шөгыльләнмәсәгез дә мускулларыгыз авырта икән, табибка күренергә кирәк дигән сүз. Моның бер сәбәбе – витамин җитмәү.

Безнең организм С витаминын запаска тупламый. Шуңа аны көн саен үзебезгә кулланырга кирәк.

Фото:http://pixabay.com/ru/
https://kiziltan.rbsmi.ru/