ТР Сәламәтлек саклау министрлыгы: күрше киңәше буенча коронавирус препаратларын сатып алып куярга кирәкми

Татарстанда коронавирус инфекциясе вакытында кулланыла торган даруларга — антибиотикларга, вируска каршы препаратларга ихтыяҗ барлыкка килгән. Бу хакта «Татар-информ» мәгълүмат агентлыгында узган матбугат конференциясендә ТР Сәламәтлек саклау министры урынбасары Фәридә Яркәева хәбәр итте.

Ул билгеләп үткәнчә, препаратларны бары тик белгеч кенә билгеләргә тиеш. Күрше киңәше буенча препаратларны кабул итү тыела, чөнки бу бик җитди нәтиҗәләргә һәм авыру процессының катлаулануына китерергә мөмкин.